هوالواحد
بار الها سن اوزون یاخشی تانیرسان بشری
بیلیسن غیب و شهادتد ه اولان خیرو شری
گیزلین اولماز سنه گیزلینده اولان ایشلریمیز
حاجتون یوخدی یتیرسین سنه بیرکس خبری
نظرون اولسااگر رحمت اوزوینن بیرینه
لازیم اولماز اونا هیچ کیمسه نین اولسون نظری
یارادان یئر گویی سن سن سنه مدحت یاراشار
عالمین هرنیی وار قدرتووندور اثری
اهل توحیده اولان باب حوائج سن سن
سن اولان یئرده کیمین وار چاغیریلماق دیری
سن بیلرسن بیرینی عفوائده سن یاکی عذاب
بو خطیر ایشده شریک ائدمه میسن بیرنفری
حی و حاضر سن اوزون ذات سمیع الدعوات
هامی دان تئز باریشان ، عفوائلیین بنده لری
بوغولار کیم قیده سن بویوران یوللاردان
خیرینی نوح نبی ایستیه یوخدور ثمری
ایکی مصرع گوزی بیت الغزل حسن ائلدون
سورا آرتیردون اونا حکمت غض بصری
بویوروبسان کی بوشیطان سنه دوشماندی بشر
چوخ تغابن دادی هر کیم سایا آز بوخطری
معرفت نوری کیمین قلبینه تاثیر ائله سه
گوره جاقدیراو زمان سجده ده نجم و شجری
ای کی قرآن دی کتابیم دییبن فخر ائدیسن
ادعا ایلیسن اولمیوب عمرون هدری
اوتوز ایل هیئته گئدماخدا نه اخذ ائله میسن
دوشونوبسن نه قدر زخرفی فتحی زمری
قورخورام مقصده چاتماقدا پریشان اولاسان
آتی خوش ساخلامیب سان بزییب سن یهری
نیه فیکر ایله مه میش هر سوزه تسلیم اولوسان
فیکردیر باشدا بیر انسانین اگر وار هنری
سن کی نور ایستیسن قلبوون آیینه سینه
داها یول ورمه بو آیینیه کین و کدری
عقلی دیندیر سنی بیزار ائله سین بت لاردان
او خلیلوندی سنون آلما الیندن تبری
دئمه قولدورروغا دائم قولومون قوتی وار
خالقا ای ظلم ائلیه ن سال یادوا دادگری
امتحان مدتی دیر عمر دییب تولانما
آز زامان دیر کی گرک طاعته اولسون سپری
دیه جاخدیر ائله بیر هامیسی بیر ساعتیمیش
عمرونون گچمیشی دیندیرسن اگر محتضری
بو تحمل یئری دی قاچما تجمل دالیجا
دئیشیک سالما گولوم منفعتیله ضرری
تئز اولا یا گئج اولا سن ده مسافر کیمی سن
نه ائدر عاقل اولان اولسا آغیر بیر سفری
در این وبلاگ شما اشعار و نوشته های محمد حنیفه نژاد را مشاهد ه می فرمایید .